دوکتۆر قوتبەدین سادقی:
شانۆی کوردی سەقز سەکۆیەکە بۆ فەرهەنگی دەوڵەمەندی کوردی
بەڕێوبەری بیستەمین خولی فێستیڤاڵی نێودەوڵەتی شانۆی کوردی سەقز وتی: هونەرمەندانی کورد زمان دەبێ لە ڕێگەی زمانی شانۆوە فەرهەنگی هەزاران ساڵەی و ئەفسانە کوردییەکان پیشانی جیهان بدەن بۆ ئەوەی ئەو بەهایانە تەنیا لە یادەوەری مێژووییدا نەمێننەوە بەڵکو بچنە ناو گۆڕەپانی داهێنانی ئەم سەرەدەمەوە.
ئەو بە سڕینەوەی ڕکابەرییەتی نواندنەکان لەم خولەی فێستیڤاڵدا ئاماژەی کرد و گوتی: کێبەرکێی و ململانێ لە یەکتر نزیکمان ناکاتەوە، چونکە کێبەرکێ دەبێتە هۆی ڕەتکردنەوەی یەکتری و هەستی ناخۆش لە نێوانیاندا دروست دەکات.
ئەم شانۆکارە دیارەی وڵات گوتیشی: لەبری ئەوەی ڕکابەر بین، پێویستە لە ڕێگەی شانۆوە یەکتر بدۆزینەوە و ڕۆحی برایەتی و هاوسۆزی و هاودەنگی بەرەوپێش ببەین بۆ ئەوەی پێکەوە بتوانین فەرهەنگ و هونەری خۆمان پیشانی هەموو جیهان بدەین.
ڤیدیۆی ئەم وتارە : https://www.aparat.com/v/biv4586
